مسرحية “إقــامــة شــهــيــرة” اخراج عبد العزيز المحرزي – مهرجان ليالي المدينة بالمنستير

صفا-نيوز/تونس

إنتاج مشترك بين: مسرح أوبرا – تونس و التلفزة التونسية

الثلاثاء 10 مارس 2026

الساعة 21:30

المركب الثقافي بالمنستير

شهيــــرة …. امراة زين و ثقافة و رتبة قدا و فيانة …. بوها خلالها اقامة …. واقفة عليها كى ما يلزم تفرح بالنزلاء و العابرين الضحكة ما تفارقهاش ثمة اشكون يقول ملا امراة و ثمة اللى يسرح و يقول …ماعون صنعة ..ساهلة و شراية بلاء…الحرفاء اشكال ..الرجال اتفرق كيف النساْء…. ثمة راجل داخلها بالجهل بقوة الفلوس و قلة الحياء ماشي فى بالو المراة تتباع و تتشرى .. … و ثمة اللى يصرف فى اصلو و فصلو و عروقو النابتة فى جوف الارض .و فى محصول الحاصل … بفلوسو ينجم يجلبها باسمو الكبير، يقربها الاخر زادم عالدنيا بقوة المال و يصرف، و ببلالط و خاتم يحب يربط الخيوط……. و ترضى بيه شهيرة مدير الاقامة زادة دخلها فرندسي و لعبت عليه الغيرة … عاشق ولهان… و يحب يعرس بيها… جابو الطمع … علاش ما يوليش الزوج المدير و صاحب باى فى الاقامة … شهيــــرة تبلع و اتغص و ماشية لكل واحد بهواه…. حتى جاء نهار حريف …. عكس اللى سبقوه يكره النساء …. و ما يطيقهمش .رقدتلو فى الخط و مشاتلو بهواه…و باسلوب راقى …. و طرق ظامرة و حلوة …جابتو للثنية …و مالكره ردتو غاطس فى حبها للكبوس .

و يستنى نهار اللى يدخل عروس و ماعاد ما يمن و يشهد كان بيها ..حلم داخل عليها عروس ..حلم بثروتو زادت و كثرت عليه الفلوس …حلم اللى الحياة تفقد جزء هام من معناها من غير امراة حلم .. حلم .. وهو فايق ..نهار خذاتو عينو حلم ……اللى هو داخل عروس فاق عالتعليلة …….. زعمة اش غناولو … بات فى ليلة ….

هاذى فكرة عالحكاية اللى يطرح فيها قلدونى و بطريقة كوميدية راقية .وضع المراة فى مجتمع ذكورى … فى جزء كبير منو ..يمن اللى .. المراة ماهى الا امراة … ياخى جات شهيرة لسى السينوجى و فهمتو اش معنى المراة … و فى السياق . يعرى قلدونى على الطبقة اللى ولات اتفيش عملت زوز صوردى من هونى و من غادى ولات اتقيش ..راس مالهم اللهفة و قلةالحياء …و فى عقليتهم المراة تتشرى… و اللى داخلها باصلو و فصلو …. و عروقو المرمية …. عطاه المؤلف مصروفو…. قالو فيق … و اخطاك مالتبطريق و راك غالط فى الثنية.

احداث و مواقف ساخرة ناقدة لنمط من المجتمع صاغها المقتبس بطريقة مرحة … احترم فيها مقاييس الكوميديا الكلاسيكية وروح الكاتب الكبير قلدونى …

المقتبس عبد العزيز المحرزى

عرض “إقــامــة شــهــيــرة”

• إخراج: عبد العزيز المحرزي

• مخرج مساعد يسرى القصباوي

آداء:

• إباء حملي

• فرحات جديدي

• جلال الدين السعدي

• شكيب الغانمي

• لطفي الناجح

• أميمة المحرزي

• يسرى طرابلسي

• صبري البوهالي

• بمشاركة عازف الكمان راضي الشوالي

• لوحات مراد الحرباوي

• تلحين الموسيقى راضي الشوالي

• إبتكار الإضاءة صبري عتروس

• توضيب هيكل سعايدي

• مابينغ يوسف بو عجاجة

• كوريغرافيا قيس بو الأعراس

• ملابس إيناس بوزيان

• صناعة ديكور سامي ماجري

•إدارة الأنتاج يسرى القصباوي